Cambodge info : L'actualité du Cambodge et du Monde. Select your preferred language. Nous suivre sur / Follow us on Twitter @cambodge_info

#cambodge : la recherche de la Vérité sur les Frontières … Experts du CNRP et “ACADEMICIENS” de HUN Sen s’affrontent

Post author:CI
Post published:13/08/2015
Post category:Border / Frontière

ឣ្នកជំនាញ៖កម្ពុជានឹងមិនបាត់ដីបន្ថែមទៅវៀតណាមទេ បើការកំណត់ព្រំដែនយកតាមបង្គោលចាស់

ក្រុមប្រឹក្សាឃ្លាំមើលកម្ពុជាមិនទទួលស្គាល់មូលដ្ឋានផែនទីព្រំដែនរបស់រាជបណ្ឌិត្យសភា

ក្រុមអ្នកស្រាវជ្រាវរាជបណ្ឌិត្យសភាបង្ហាញថាផែនទី៤ប្រភពជាផែនទីតែមួយ

រាជបណ្ឌិត្យសភា៖ ក្រុមការងារលោក ស៊ាន ប៉ែងសែ ជាអ្នកប្រគល់ផែនទីដល់ក្រុមស្រាវជ្រាវ

នៅថ្ងៃទី១១ សីហា អ្នកស្រាវជ្រាវនៃរាជបណ្ឌិត្យសភា ឆ្លើយតបនឹងការលើកឡើងរបស់លោក ស៊ាន ប៉េងសែ រឿងប្រគល់ផែនទីថា ក្រុមការងាររបស់លោក ស៊ាន ប៉េងសែ ជាអ្នកផ្ញើជូនក្រុមអ្នកស្រាវរាជបណ្ឌិត្យសភា។

អ្នកស្រាវជ្រាវនៃរាជបណ្ឌិត្យសភា លោក ឯម សុវណ្ណារ៉ា អះអាងថា អគ្គហិរញ្ញិករបស់លោក ស៊ាន ប៉េងសែ គឺលោក ហម ប៊ុនឆាយ បានផ្ញើមកក្រុមការងាររបស់លោកចំនួន ៣លើក លើកទី១ ចំនួន ៤៦សន្លឹក លើកទី២ ឯកសារជាសំណេរស្ដីពីសកម្មភាពរបស់គណៈកម្មាធិការព្រំដែនកម្ពុជា ប្រទេសបារាំង និងក្នុងពិភពលោក ៤៨៦ទំព័រ និងចុងក្រោយគឺផែនទី ១២៦សន្លឹកនៃប្រទេសកម្ពុជា ទាំងមូល និងបណ្ដោយព្រំដែន។

កាលពីយប់ថ្ងៃទី១០ សីហា ប្រធានគណៈកម្មាធិការព្រំដែនកម្ពុជា ប្រទេសបារាំង និងក្នុងពិភពលោក លោក ស៊ាន ប៉េងសែ បានប្រាប់វិទ្យុអាស៊ីសេរី តាមទូរស័ព្ទថា លោកពុំដែលប្រគល់ផែនទីកម្ពុជា ទៅឲ្យបណ្ឌិត សុខ ទូច ទេ ប៉ុន្តែបើអ្នកណាសរសេរសំបុត្រសុំ ឬទាក់ទងមកនោះ ក្រុមការងាររបស់លោកនឹងផ្ញើផែនទីទៅអ្នកនោះ។

លោក ឯម សុវណ្ណារ៉ា បន្តថា លោកបានទាក់ទងទៅលោក ហម ប៊ុនឆាយ ផ្ទាល់ ដើម្បីស្នើផែនទីពីគណៈកម្មាធិការព្រំដែនកម្ពុជា ប្រទេសបារាំង និងក្នុងពិភពលោក ក្នុងនាមជាក្រុមស្រាវជ្រាវនៃរាជបណ្ឌិត្យសភា។

ផែនទី ១២៦សន្លឹក ខ្នាត ១/១០០.០០០ របស់គណៈកម្មាធិការព្រំដែនកម្ពុជា ប្រទេសបារាំង និងក្នុងពិភពលោក បានរៀបចំដោយប្រទេសបារាំង ចន្លោះពីឆ្នាំ១៩៣៣ និងឆ្នាំ១៩៥៣ និងបោះពុម្ពផ្សាយដោយវិទ្យាស្ថានភូមិសាស្ត្របារាំង ដោយគ្មានទំនាក់ទំនង និងការទទួលខុសត្រូវបែបណាមួយជាមួយភ្នាក់ងារណា ឬក្រុមណាឡើយ៕