L'actualité du Cambodge et du Monde ព័ត៌មានពីប្រទេសកម្ពុជា និងពិភពលោក

វេទិកា សកម្មជនមូលដ្ឋាន ខេត្តកំពង់ចាម ក្នុងដំណើរឆ្ពោះទៅរកការបោះឆ្នោតចំពោះមុខនេះ ក្រៅអំពីធ្វើគោលនយោបាយមូលដ្ឋាន ដោយសកម្មជនមូលដ្ឋាន ខ្ញុំសូមឲ្យថ្នាក់ដឹកនាំមូលដ្ឋានចាប់ផ្ដើមសម្លឹងមើល រកបេក្ខជនក្រុមប្រឹក្សាឃុំ-សង្កាត់ ដែលក្នុងនោះត្រូវការចាំបាច់ ឲ្យមានបេក្ខជនជា យុវជន និងស្ដ្រី។ ថ្លែងនៅក្នុង វេទិកាសកម្មជនមូលដ្ឋាន ខេត្តកំពង់ចាម។ វេទិកានេះប្រព្រឹត្ដទៅ នៅភូមិត្រកួន ឃុំក្រឡា ស្រុកកំពង់សៀម ខេត្តកំពង់ចាម នាព្រឹកថ្ងៃអាទិត្យ ទី១៧ ខែមករា ឆ្នាំ២០១៦ ដែលមានអ្នកចូលរួមប្រមាណជា ៦០០០នាក់។ https://www.facebook.com/video.php?v=1270324906318139 អ្វីដែលយើងត្រូវធ្វើ សំខាន់ទី១ និងបន្ទាន់ជាងគេ គឺការធ្វើកំណែទម្រង់ផ្ទៃក្នុងគណបក្សសង្គ្រោះជាតិ ដើម្បីធ្វើវិមជ្ឈការអំណាច ជូនដល់ប្រជាពលរដ្ឋ និងសកម្មជនថ្នាក់មូលដ្ឋាន រៀបចំគោលនយោបាយមូលដ្ឋានរបស់ខ្លួន។ បន្ទាប់មក យើងយកគម្រោងគោលនយោបាយមូលដ្ឋាននោះ ដាក់ជូនសន្និបាតក្រុមប្រឹក្សាជាតិថ្ងៃទី២៦ ខែមីនា ឆ្នាំ២០១៦ ដើម្បីពិភាក្សា និងសម្រេច។ ពេលសន្និបាតក្រុមប្រឹក្សាជាតិសម្រេចគាំទ្រនូវគោលនយោបាយមូលដ្ឋាននេះហើយ យើងត្រូវយកគោលនយោបាយនេះ ទៅផ្សព្វផ្សាយ និងពន្យល់ជូនប្រជាពលរដ្ឋ។ https://www.facebook.com/video.php?v=1268563063160990

វេទិកា សកម្មជនមូលដ្ឋាន ខេត្តព្រៃវែង យុទ្ធសាស្រ្ដគណបក្សសង្គ្រោះជាតិសម្រាប់ថ្នាក់មូលដ្ឋានគឺ ដំណើរឆ្ពោះទៅរកការបោះឆ្នោត ដើម្បីសិទ្ធិមនុស្ស និងការផ្លាស់ប្ដូរ។ ដើម្បីសម្រេចកិច្ចការនេះថ្នាក់ដឹកនាំមូលដ្ឋានត្រូវបំពេញសកម្មភាពទាំង៧ចំណុចនេះ៖ ១.រៀបចំគោលនយោបាយ ២.រៀបចំនិងពង្រឹងរចនាសម្ព័ន្ធ ៣.រៀបចំនិងពង្រឹងធនធានមនុស្សសម្រាប់ឈរឈ្មោះ និងអ្នកសង្កេតការណ៍ ៤.សកម្មភាពសកម្ម ៥.ទំនាក់ទំនងជាប្រចាំ ៦.រៀបចំការផ្សព្វផ្សាយឲ្យបានល្អមានគ្រប់បណ្ដាញ និង៧.ប្រជុំវាយតម្លៃសកម្មភាពរបស់ខ្លួនឲ្យទៀងទាត់។ ខ្ញុំ សុំឲ្យសកម្មជនថ្នាក់ដឹកនាំមូលដ្ឋាន ផ្ដោតទៅលើផែនការសកម្មភាព ដែលខ្ញុំដាក់ជូននេះហើយ ចៀសវាងកុំចំណាយពេល ទៅឆ្លើយឆ្លង ឬ ឈ្លោះជាមួយនរណា៕ https://www.facebook.com/video.php?v=1263861233631173